Kurti fton deputetë ta votojnë buxhetin e vitit 2025

Kryministri Kurti gjatë fjalimit të tij në Kuvend për buxhetin e vitit 2025 ka treguar qëllimet e qeverisë me buxhetin e prezantuar për vitin e ardhshëm, shkruan Gazeta Demos.

”Me këtë buxhet kemi për qëllim zhvilimin e qëndrueshëm ekonomik, vazhdimin krijimit të vendeve të reja të punës dhe rritjen e mirëqenies për të gjithë”, tha Kurti para deputetëve.

Tutje Kurti është zotuar se vitin e ardhshëm pritet që rritja ekonomike të jetë 5.6% e produktit vendor.

”Për vitin e ardhshëm presim që rritja ekonomike të arrijë në 5.6% të produktit vendor në terma real dhe synimi ynë është që këtë rritje ta bëjmë duke i përfshirë të gjithë ashtu siç na takon, ashtu siç e meritojnë qytetarët duke mos e lënë asnjëri anash”, u shpreh Kurti.

Në fund ai ka ftuar deputetët që ta votojnë buxhetin e vitit 2025.

”…andaj edhe iu ftoj që ta votoni buxhetin 2025”, tha kryeministri Kurti.