Kudusi Lame: Kush gëzohet që Thaçi është në burg, është antishqiptar

Kudusi Lame, sot në Frontal të t7, ka folur për ish-udhëheqësit e UÇK-së që po mbahen në Qendrën e Paraburgimit në Hagë dhe po akuzohen për krime lufte ndaj njerëzimit.

Duke e marrë si shembull ish-presidentin Thaçi, tha se kushdo që gëzohet që ai është në burg është antishqiptar.

“Nëse Hashim Thaçi do të kishte bërë gabime si kryeministër dhe si president i Kosovës, edhe unë do të isha dakord të ndëshkohet sipas ligjit. Por ai ka shkuar atje për diçka që ka bërë mirë për interesat e Kosovës. Ai ka shkuar si udhëheqës politik, si kryeministër, si kryetar i grupit negociator në Rambuje, si luftëtar. Epo ta marrësh Hashim Thaçin dhe ta akuzosh si luftëtar në gjyq e ta fusësh në burg, e të gëzohesh që ai ka shkuar atje, kjo është antishqiptarizëm. Ky është antilogjikë dhe është shërbim antikombëtar”, tha ai.

Ish-gjenerali i Divizionit të Këmbësorisë në Kukës ka dhënë një intervistë për emisionin “n’Demos” ku ka rrëfyer shumë ngjarje interesante.