“Ku mësove të flasësh kaq mirë”, Trump lavëdron anglishten e Presidentit të Liberisë

Presidenti i SHBA-së, Donald Trump, e lavdëroi Presidentin e Liberisë, Joseph Boakai, për zotërimin e tij të fortë të gjuhës angleze të mërkurën.

Gjatë pritjes së pesë udhëheqësve afrikanë në Shtëpinë e Bardhë, Trump e pyeti Boakain: “Anglishte kaq e mirë, është e mrekullueshme. Ku mësove të flasësh kaq bukur?”

Boakai i tregoi Trump-it se ku ishte shkolluar, gjë që nxiti kuriozitetin e këtij të fundit.

“Kjo është shumë interesante,” tha Trump.

“Kam njerëz në këtë tavolinë që nuk flasin as afërsisht aq mirë”, shtoi Trump.