Kryeziu e jep lajmin me rëndësi: Kushtetuesja do të trajtojë edhe çështje të tjera lidhur me krizën

Ish-gjyqtari i Gjykatës Kushtetuese, Kadri Kryeziu, ka deklaruar se procesi i trajtimit të situatës kushtetuese në vend ende nuk ka përfunduar.

Ai ka bërë të ditur se Gjykata pritet të shqyrtojë edhe çështje të tjera të ngritura, përfshirë ato që lidhen me afatin 30-ditor për zgjedhjen e kryetarit të Kuvendit.

“Në kanale private u informova që çështjet që kanë të bëjnë me pyetjet si të veprohet pas skadimit të afatit 30 ditor, Gjykata Kushtetuese do t’i trajtojë në vendimin e saj në lidhje me pyetjet që i ka shtruar Presidentja e Republikës. Pra, procesi nuk ka përfunduar”, ka shkruar Kryeziu.

Ai shtoi se mbetet të shpresohet që këto çështje do të marrin një trajtim të drejtë dhe gjithëpërfshirës nga ana e institucionit më të lartë kushtetues në vend.

Postimi i plotë: