KRU ‘Hidrodrini’ ka dalë me njoftim mbi ujin e pijshëm pas reshjeve të mëdha të shiut, shkruan GazetaDemos.
“Uji është i pijshëm, nuk ka turbullira në asnjë burim të zonës së mbulueshmërisë, shkalla e gatishmërisë është ngritur”, thuhet në komunikatën e Hidrodrinit.
Komunikata e plotë:
Pas reshjeve atmosferike që kanë filluar mbrëmë në rajonin e rrafshit të dukagjinit dhe pas paralajmërimeve Instituti Hidrometeorolgjik i Kosovës (IHM) për javë që do karakterizohet nga rreshje shiu, Kompania Rajonale e Ujësjellit ‘Hidrodrini’ ka ngritur shkallën e gatishmërisë dhe mobilitetit në zonën e saj të mbulueshmërisë.
Deri më tash, situata në burime është e qetë, pa turbullira dhe uji mbetet i pijshëm.
Kryeshefi Ekzekutiv ing. Dri Cena ka udhëzuar ngritjen e shkallës së gatishmërisë së ekipeve prevenuese dhe të kontrollit në terren dhe burime, duke ofruar mbështetjen e plotë në rast të paraqitjes së nevojës edhe nga rajoni.
Kimistja, Drejtori teknik, menaxherët e njësive respektive te zonës së mbulueshmërisë të KRU “Hidrodrini” sh.a. Pejë, obligohen të ngrisin shkallën e gatishmërisë prevenuese në terren.
Obligative edhe përcjellja e situatës dhe gjendjes me kapacitet të shtuar për sa i përket cilësisë dhe kualitetit të ujit në të gjitha burimet si dhe në rrjetin e ujësjellësit në komunat Pejë, Deçan, Istog, Klinë dhe Junik.
Ekipet mobile mbeten në terren!
Për çdo ndryshim, konsumatorët do të njoftohen.