Kroati dyshohet se mbyti gruan, pastaj kreu vetëvrasje

Afër vendit Gjuba në Umag të Istrisë sot janë gjetur dy persona të vdekur.

Siç njofton policia kroate, ata kanë marrë një thirrje rreth orës 15:10, dhe për shkak të dyshimeve për vdekje të dhunshme, në vendin e ngjarjes ka dalë prokurorja shtetërore rajonale.

Jozyrtarisht mësohet se bëhet fjalë për trupat e një burri dhe një gruaje, dhe një nga dyshimet është se burri e ka vrarë gruan dhe më pas veten, raporton index.hr.

Banorët e fshatrave përreth janë në shok nga ky incident i rëndë, ndërkohë që zona është e rrethuar dhe nën mbikëqyrje të policisë.

Policia ka bërë thirrje për durim dhe mirëkuptim deri në përfundimin e mbledhjes së të gjitha të dhënave përkatëse.

Më shumë informacione për ngjarjen do të bëhen të ditura pas përfundimit të hetimeve në vendngjarje. /Telegrafi/