“Kriset” miqësia mes Livias dhe Rozanës, përçarje dhe tensione pas nominimeve

Në spektaklin e kaluar, opinionistët Arbër Hajdari dhe Neda Balluku vendosën se cilët banorë do të shkonin në nominim.

Ndërkohë, vetë banorët u detyruan të zgjedhin mes grupit të tyre se kush ishte më i rrezikuar, duke çuar në një përballje kokë më kokë mes Livias dhe Loredanës.

Zgjedhja e Rozanës, Gjestit dhe Eglit për të nominuar Livian ka shkaktuar përçarje brenda grupit të tyre, duke nxitur debate të ashpra dhe emocione të forta.

Gjatë spektaklit të së shtunës, situata u komentua kështu: Livia, e prekur nga klipi i shfaqur, tha: “Kam ngelur keq dhe për Gjestin, sepse ai ka përmendur emrin pa u mbyllur televotimi. Në fund tha prapë Livia. Në fund të Prime-t, kur ne flasim dhe ai thotë që nuk kemi afrimitet, unë e pranoj. Nuk dua të merret për keq, por edhe motra tha që unë jam kujdesur për Gjestin. Gjithsesi ai ma tha këtë dhe është ‘ok’. Më pas Egli, e cila kur tha emrin tim, është ndikuar nga ajo që tha Gjesti. Është shumë e qartë kur ti ndjek Gjestin. Për Rozanën nuk e mendoj. Shoh një aleancë që janë tre vetë. Nuk janë ndikuar nga Gjesti. Akoma nuk kam një përgjigje nga ana e Rozanës. Është ajo kur unë nuk ndihesha mirë, ishte ajo që nuk donte të fliste me mua. U bë viktimë Rozana, ndërkohë që viktima isha unë. Kam kaluar disa nominime, kam kaluar disa situata. Por nominimi i fundit, që unë nuk isha as protagoniste atë javë… Kur një prej protagonisteve atë javë doli dhe unë jo, atëherë unë nuk isha dhe aq e rrezikuar”.