Krimet Ekonomike zbarkojnë në Gjakovë për keqpërdorime me patentë shofer, raportohet për të arrestuar

Drejtoria për Hetimin e Krimeve Ekonomike raportohet se është duke e zhvilluar një aksion të radhës, këtë herë në qytetin e Gjakovës.

Krimet Ekonomike sot në Gjakovë kanë për qëllim të hetimit të disa dyshimeve për keqpërdorime në procesin e pajisjes së qytetarëve me patentë shofer.

Cak i këtij operacioni, janë dy persona të dyshuar për përfshirje në veprime të kundërligjshme që lidhen me dhënien e lejeve të vozitjes në mënyrë të parregullt.

Teksa po zhvillohen bastisjet, sipas Klanit, deri më tash dy persona janë shoqëruar në Polici.

GazetaDemos ka kontaktuar me organet e rendit në Gjakovë, dhe është në pritje të detajeve zyrtare.