Kremtimi i Ditës Kombëtare në gjendje lufte, Ukraina merr urime nga e gjithë bota

Udhëheqësit ndërkombëtarë kanë shprehur sot solidaritetin e tyre me Ukrainën dhe kanë përsëritur mbështetjen e tyre në Ditën e Pavarësisë.

Kryeministri i Britanisë së Madhe, Boris Johnson thotë se kombi do të qëndrojë me Ukrainën për aq kohë sa duhet, duke shtuar se do të ofrohet çdo mbështetje e mundshme humanitare, ekonomike dhe ushtarake.

Këto komente janë bërë jehonë nga presidentja e Komisionit të BE-së, Ursula von der Leyen, duke thënë se Evropa është me Ukrainën “sot dhe në planin afatgjatë”.

Presidentja e Parlamentit Evropian Roberta Metsola shton se BE-ja “nuk do të pushojë kurrë së mbështeturi pavarësinë e Ukrainës dhe luftën e saj të guximshme kundër agresionit të paligjshëm rus”.

Kancelari gjerman Olaf Scholz thotë se zemrat e vendit janë me Ukrainën sot pasi ajo feston festën e saj kombëtare në “rrethana të tmerrshme”.

Atij i bashkohen liderë nga e gjithë Evropa për të uruar Ukrainën për Ditën e Pavarësisë, duke përfshirë presidentët e Finlandës, Letonisë, Lituanisë dhe Moldavisë dhe ministrat e jashtëm në Poloni dhe Turqi.

Kryeministri australian Anthony Albanese thotë se mbështetja e tij mbetet “e qartë dhe e palëkundur” dhe i ka rrënjët në besimin e tij se ligji ndërkombëtar duhet të mbizotërojë për të ruajtur sovranitetin e të gjitha kombeve.