Krasniqi takohet me Taravarin: Do të thellojmë bashkëpunimin mes dy partive

Kryetari i Partisë Demokratike të Kosovës, Memli Krasniqi ka pritur në takim kryetarin e Aleancës për Shqiptarët, Arben Taravari.

Krasniqi përmes një postimi në facebook ka thënë se kanë diskutuar mbi zhvillimet e fundit politike në vend dhe zhvillimet në Maqedoni të Veriut.

Ai gjithashtu ka thënë se do të thellojnë bashkëpunimin mes të dyja partive.

“Folëm edhe për planet dhe objektivat që mëtojmë t’i përmbushim përgjatë këtij viti, si dhe për thellimin e bashkëpunimit mes dy partive dhe dy vendeve. PDK mbetet përherë e përkushtuar në kultivimin e raporteve tona të mira vëllazërore”, ka shkruar Krasniqi.