Krasniqi takohet me Emisarin francez: Votuam Kryetarin e Kuvendit për ta zhbllokuar situatën

Emisari i Francës për Ballkanin Perëndimor, Rene Troccaz, është takuar edhe me Kryetarin e Partisë Demokratike e Kosovës.

Pas takimit, Krasniqi ka thënë se e ka njoftuar emisarin se kanë votuar Dimal Bashën për Kryetar të Kuvendit, për ta zhbllokuar situatën.

“Biseduam për zhvillimet e fundit politike në Kosovë dhe për nevojën që vendi ynë të ecë përpara, me institucione funksionale dhe me dialog konstruktiv. Në këtë drejtim, e njoftova emisarin Troccaz që si PDK, ne kemi dhënë kontributin tonë, si përgjegjësi politike, por edhe si vetëdije institucionale, duke votuar kryetarin e Kuvendit në funksion të zhbllokimit të situates”, ka shkruar Krasniqi.

Ata kanë folur edhe për integrimin evropian, ku Krasniqi ka theksuar  rruga më e drejtë dhe më e shpejtë për të mbyllur kapitullin e Ballkanit Perëndimor është integrimi sa më i shpejtë i vendeve tona në Bashkimin Evropian.

“E falënderova edhe ambasadorin Guerot dhe të gjithë zyrtarët francezë në Kosovë për mbështetjen e vazhdueshme ndaj shtetit tonë. PDK mbetet e përkushtuar për stabilitet, përgjegjësi institucionale dhe të ardhmen evropiane të Kosovës”, përfundon postimi.