Krasniqi përkujton masakrën e Mejës: Kosova nuk ndalet së kërkuari drejtësi për viktimat:

Kryetari i PDK-së, Memli Krasniqi ka kujtuar masakrën e Mejës, duke i nderuar 376 shqiptarët që u vranë mizorisht nga dora e forcave serbe.

Krasniqi thotë se Kosova nuk do të ndalet kurrë së kërkuari drejtësi për viktimat, zbardhjen e fatit të të pagjeturve dhe ndëshkimin e kriminelëve të luftës.

“Sot, në përvjetorin e Masakrës së Mejës, kujtojmë me nderim 376 civilë të paarmatosur, të masakruar mizorisht nga forcat serbe më 27 prill 1999. Shumë prej tyre, fatkeqësisht, edhe sot mbeten të pagjetur – një plagë e hapur për familjet e tyre dhe për gjithë Kosovën”.