Krasniqi për të riatdhesuarit nga Siria: Me shumicën prej tyre nuk jemi marrë

Gazetari Vullnet Krasniqi sonte në emisionin “Rubikon” në Klan Kosova ka folur në lidhje me të riatdhesuarit nga Siria.

Ai është shprehur se shteti duhet të merrej me ta, por sipas tij, me shumicën prej tyre, siç u shpreh “nuk jemi marrë”.

“Një i dënuar për pjesëmarrjen në Siri dhe një i dënuar për dërgimin e njerëzvë në Siri, pas 10 viteve që ne kemi menduar që i kemi dënuar, e kemi kryer me ta, shtrohet pyetje çka po ndodh në këto burgje, kur rri njeriu 10 vjet, do të thotë shteti a po merret me një person i cili ka qenë me mendësi të radikalizuar a ka folur diçka me të, ai kur ka dalur, ka dalur edhe më i radikalizuar, por në një gjuhë tjetër”.

“Ideja është që ne brenda kur i kemi kthyer, me shumicën e tyre nuk jemi marrë në asi forme, kemi deklaruar që e kemi fituar këtë luftë, po del që 10 vjet më vonë, nuk e kemi fituar”, u shpreh ai.