Krasniqi për këshilltarët e Kurtit: Janë spiunë, i raportojnë Dejona Mihalit

Së fundmi është raportuar se kryeministri Albin Kurti ka 38 këshilltarë në kabinetin e tij, ndonëse zëdhënësi i Qeverisë Kurti, Përparim Kryeziu, njoftoi se Kurti i ka veç 25 këshilltarë.

Sidoqoftë, Florin Krasniqi, ish-deputet i VV-së, vlerëson se këta këshilltarë nuk janë aty për të këshilluar Kurtin.

Sipas ish-financuesit të VV-së, ata janë spiunë që raportojnë te Dejona Mihali, koordinatore e komiteteve të VV-së.

“Këshilltarët e Kurtit, nuk janë aty për të këshilluar. Janë spiunë, të cilët i raportojnë Dejona Mihalit e Albin Kurtit. Janë rrjet spiunazhi, sikur Partia Komuniste e Shqipërisë. Këta nuk e duan Kosovën”, deklaroi Krasniqi për Nacionalen.