Krasniqi: Data e zgedhjeve do të shënoi ikjen e një Qeverie të papërgjegjshme – e ardhjen e një tjetre, kredible e të aftë

Presidentja e Kosovës, Vjosa Osmani gjatë ditës së sotme ka caktuar 9 shkurtin si datë të zgjedhjeve të rregullta, shkruan GazetaDemos.

Në lidhje me këtë vendim, ka reaguar kreu i Partisë Demokratike të Kosovës, Memli Krasniqi, duke thënë se data që PDK kishtë kërkuar për zgjedhje ishte 26 janari i vitit të ardhshëm.

“Edhe pse si PDK kishim kërkuar që data e zgjedhjeve të rregullta parlamentare të jetë 26 janari i vitit rë ardhshëm, sot Presidentja e Kosovës ka dekretuar 9 shkurtin 2025 si datë kur qytetarët duhet t’u drejtohen kutive të votimit. Për ne kjo shtyrje është e panevojshme, por tashmë kjo ka pak rëndësi”, shkroi Krasniqi.

Tutje, ai shkruan se kjo datë e zgjedheve, do të shënoj ikjen e një qeverie të papërgjegshme, ndërkaq thotë se me Bedri Hamzën në timon, Kosova do të kthehet në rrugën e zhvillimit, integrimit, partneritetit e miqësisë së mirëfilltë.

Postimi i plotë i tij:

Edhe pse si PDK kishim kërkuar që data e zgjedhjeve të rregullta parlamentare të jetë 26 janari i vitit rë ardhshëm, sot Presidentja e Kosovës ka dekretuar 9 shkurtin 2025 si datë kur qytetarët duhet t’u drejtohen kutive të votimit.

Për ne kjo shtyrje është e panevojshme, por tashmë kjo ka pak rëndësi. Mbi të gjitha, e rëndësishme është se tani kemi një datë, e cila do të shënojë ikjen e një qeverie të papëregjegjshme dhe ardhjen e një tjetre, kredibile e të aftë, në krye me Bedri Hamzën.

Siç na e dëshmon edhe historia, me PDK-në dhe Bedriun në timon, Kosova do të rikthehet në rrugën e munguar të zhvillimit, integrimit, partneritetit e miqësisë së mirëfilltë. Është koha që të bëhemi bashkë edhe një herë për Kosovën që e ëndërrojmë të gjithë.