Albanian
Croatian
English
French
German
Serbian
Turkish
Rrugëtimi i Bardhës në Love Is Blind UK është kthyer në një nga historitë më të komentuara të këtij sezoni.
Pas emocioneve që i dha publikut gjatë “pods”, Bardha gjeti fatin e saj në krahët e Jed-it, një libanez që duket se po e përqafon kulturën shqiptare me gjithë shpirt.
Jo vetëm që romanca e tyre ka ndezur fansat, por në rrjete sociale po qarkullojnë edhe pamje e thashetheme se Bardha e ka marrë përsipër ta mësojë partnerin e saj recetën e pitës – një traditë tipike shqiptare që tashmë po bëhet simbol i dashurisë së tyre. Për shumë shqiptarë kjo është një arsye më shumë për ta ndjerë Bardhën si “vajzën tonë” që po i jep sharmin e vet kulturës në një reality global.
Por nuk mungon as drama. Në trailerin e fundit, që premton shpërthime emocionale, Bardha dëgjohet teksa pranon se ka pasur një debat me Jed-in, duke shtuar: “Tash për tash ndihet vërtetë e pakëndshme.” Ky çast ka ndezur diskutimet mes fansave, të cilët pyesin nëse marrëdhënia e tyre do të rezistojë deri në altar.
Finalja e madhe e sezonit 2 pritet më 27 gusht dhe mediat britanike premtojnë edhe më shumë lot, zemërthyerje dhe tension. Por një gjë është e sigurt: Bardha tashmë ka rrëmbyer zemrat e publikut dhe po e bën namin, duke u kthyer në një nga figurat më të dashura e më të ndjekura të këtij edicioni.
