Albanian
Croatian
English
French
German
Serbian
Turkish
Federata Ndërkombëtare Esports (IESF) ia ka besuar Kosovës organizimin e Kampionatit Evropian të Esports, që do të mbahet më 8 korrik në Prishtinë.
Zyrtarizmi i Evropianit, u bë të enjten, ndërsa u nënshkrua memorandum ndërmjet Federatës Esports Kosova dhe Ministrisë së Kulturës, Rinisë dhe Sportit (MKRS).
Ceremonia e zyrtarizmit të Evropianit u organizua në Tech Park Prishtina, ku morën pjesë kryeministri i Republikës së Kosovës, z. Albin Kurti, zëvendësministrja e MKRS-së znj. Daulina Osmani, sekretari i përgjithshëm i Federatës Ndërkombëtare të Esports (IESF) z. Boban Totovski dhe kryetari i Federatës Esports Kosova, z. Altin Preniqi.
“Jemi shumë mirënjohës Federatës Ndërkombëtare të Esports që na ka besuar organizimin e Kampionatit Evropian. Ne dëshirojmë t’i tregojmë Evropës se jemi të aftë për të organizuar këtë aktivitet madhor. Ky Evropian nuk është vetëm festë, por edhe një mundësi për të promovuar vlerat tona si mikpritjen, pasionin dhe dashurinë për lojërat elektronike”, ka thënë kryetari i Federatës Esports Kosova, Altin Preniqi.
“Sot nuk jemi mbledhur këtu vetëm për të dhënë një lajm, por së bashku po hapim një kapitull të ri për sportet elektronike në vendin tonë. Kosova, vendi i rinisë, i teknologjisë dhe i inovacionit, përmes angazhimit të secilit prej jush, ka arritur një sukses të madh – të drejtën për të organizuar Kampionatin Evropian të Esports përgjatë këtij viti”, tha kryeministri Kurti ndër të tjera në tryezën e organizuar të enjten. “Ky kampionat do të sjellë në Prishtinë Counter-Strike 2 dhe Dota 2, me mbi 250 garues nga 45 shtete. Këtu, në zemër të Kosovës, do të kemi lojtarët më të mirë nga e gjithë Evropa, të cilët deri dje i kemi parë vetëm nëpër ekranet tona, e tani do t’i shohim live duke garuar në vendin tonë”.
Kjo ngjarje do të jetë madhështore dhe do të shërbej edhe si promovim i Kosovës.
Në Evropian e lojërave të famshme elektronike “Counter-Strike 2” dhe “Dota 2”, do të marrin pjesë 46 shtete të Evropës.
Evropiani është kualifikues për Botërorin dhe kjo e bën edhe më të rëndësishëm ngjarjen që do të mbahet në Prishtinë.