Kosova kërkon mbështetjen e “Dardanëve” në tribuna ndaj Islandës

Kanë mbetur edhe nëntë ditë përpara ballafaqimit Kosovë – Islandë në “Fadil Vokrri”, ndeshje kjo e vlefshme për “play-off” të Ligës së Kombeve.

Federata e Futbollit të Kosovës ka kërkuar edhe një herë nga “Dardanët” mbështetje maksimale në tribuna për kombëtaren e Kosovës, duke e shpërndarë linkun për blerjen ‘online’ të biletave.

Ndeshjen e parë ndaj Islandës, Kosova e luan si vendase në “Fadil Vokrri” më 20 mars nga ora 20:45, ndërsa ndeshja e kthimit do të luhet më 23 mars në Spanjë.

Çmimi i biletave fillon nga 5 deri në 80 euro, kjo e fundit për zonën VIP.