Koreja e Jugut gjobit Google me 31.8 milionë dollarë për “praktikat e padrejta të biznesit”

Rregullatori antitrust i Koresë së Jugut ka vendosur të gjobisë Google dhe filialet e tij rajonale me 42.1 miliardë won (31.8 milionë dollarë) për “praktikat e padrejta të biznesit” që synojnë konsolidimin e dominimit të tij në tregun korean të aplikacioneve të lojërave celulare, thanë mediat lokale të martën.

Sipas Komisionit të Tregtisë së Drejtë, gjigandi global i teknologjisë ndaloi kompanitë e lojërave celulare të Koresë së Jugut, sipas një marrëveshjeje të dyshimtë midis 2016 dhe 2018, të publikonin përmbajtjen e tyre në One Store, tregu kryesor i aplikacioneve vendase të vendit, raportoi Agjencia e Lajmeve Yonhap, raporton Anadolu, transmeton GazetaDemos.

“Google analizoi se lansimi i një tregu konkurrues dhe gjithëpërfshirës aplikacionesh, One Store, do të ketë një ndikim të madh në shitjet e tij në Korenë e Jugut,” tha agjencia, duke cituar deklaratën e komisionit.

Komisioni tha se sipas marrëveshjes, Google u kërkoi kompanive koreano-jugore që të publikonin përmbajtjen e tyre vetëm në Google Play, gjë që ndihmoi gjigantin global të teknologjisë të forconte dominimin e tij në treg.

“Duke bllokuar lëshimin e lojërave në One Store, Google ka penguar inovacionin dhe përfitimet e konsumatorëve në tregun e aplikacioneve dhe në sektorin e lojërave celulare”, shtoi ai.

Megjithatë, Google tha në një deklaratë se ata e kanë shqyrtuar me kujdes vendimin dhe nuk janë pajtuar me komisionin.

“Ne konkurrojmë fuqishëm me tregjet e tjera të aplikacioneve dhe jemi krenarë për përfitimet që u ofrojmë zhvilluesve, duke përfshirë industrinë e lojërave dhe përdoruesit e zakonshëm, përmes Google Play. Google bën investime të konsiderueshme në suksesin e zhvilluesve dhe ne me respekt nuk pajtohemi me konkluzionet e KFTC, “tha agjencia e lajmeve, duke cituar një deklaratë të Google./Demos/