Konjufca përkujton Shkelzen Haradinajn: Heroi mbeti i gjallë si një yll në qiellin e Kosovës

Kryetari i Kuvendit të Kosovës, Glauk Konjufca ka përkujtuar heroin Shkelzen Haradinaj në 24-vjetorin e rënies së tij, shkruan GazetaDemos.

Ai në facebook ka shkruar se “heroi mbeti i gjallë, një kampion i lavdishëm që u ngrit si një yll në qiellin e Kosovës.

Postimi i plotë:

Në kohën kur qielli i Kosovës ishte zënë nga errësira e agresionit serb, gjenerali Shkelzen Haradinaj, një burrë i guximshëm dhe udhëheqës i përkushtuar i Ushtrisë Çlirimtare të Kosovës, u ngrit bashkë me shokët për ta shpërndarë dritën në rrugëtimin e shenjtë për liri.

Heroi mbeti i gjallë, një kampion i lavdishëm që u ngrit si një yll në qiellin e Kosovës.

Së bashku me të, edhe tre eprorët e guximshëm të Brigadës 131 “Jusuf Gërvalla”, Fatmir Nimanaj, Hasim Halilaj dhe Luan Nimanaj u ngjitën në qiellin e lirisë, ku sot shkëlqejnë me ndriçimin e tyre të veçantë.

Sakrifica e tyre e paepur është simboli i betejës për liri dhe drejtësi dhe martirizimi për lirinë dhe pavarësinë e lavdishme të Kosovës.

Heronjtë e lirisë që bënë historinë e atdheut tonë janë të gjallë dhe nuk vdesin kurrë.

Lavdi!