Albanian
Croatian
English
French
German
Serbian
Turkish
Po vazhdojnë reagimet nga e gjithë bota për konfliktin Iran-Izrael, ka raportuar BBC.
Kryeministri i Irakut, Mohammed Shiaa al-Sudani, thotë se i tha ambasadorit të BE-së në Bagdad se sulmet e Izraelit ndaj Iranit janë një “kërcënim i drejtpërdrejtë për sigurinë dhe stabilitetin në Irak dhe rajon” dhe kanë për qëllim të pengojnë përpjekjet diplomatike.
Ministri i Jashtëm i Francës, Jean-Noel Barrot, thotë se programi bërthamor i Iranit përbën një “kërcënim ekzistencial” për sigurinë e Izraelit dhe Evropës.
Kancelari i Gjermanisë, Friedrich Merz, thotë se Teherani duhet të ndalojë menjëherë “bombardimin e objektivave civile në Izrael”. Ai shton se Gjermania po përgatitet për mundësinë që Irani të shënjestrojë vende izraelite ose hebraike brenda Gjermanisë.
Ministri i Jashtëm i Turqisë, Hakan Fidan, i tha homologut të tij rus në një telefonatë se vetëm diplomacia mund ta zgjidhë konfliktin “shqetësues”, sipas një burimi zyrtar që foli për Reuters