Koncerti i Unikkatilit në Prishtinë, ky është çmimi i biletës më të lirë

Unikkatil po rikthehet në Prishtinë.

Pas fiks një dekade nga koncerti i korrikut të 2012-ës, ai do të performojë sërish.

Këtë radhë, në Klan Arena, lideri i TBA do jetë pjesë e organizimit nga “Kosova Fighting Series” që sjell 8 MMA Fights dhe Unikkatilin më 1 Gusht në KlanArena.

Për të gjithë të interesuarit, detajet sa i përket biletave janë këto.

Në shitje gjenden dy lloje të biletave. Ajo bazike dhe “sitting VIP”.

E para kushton 50 euro kurse e dyta 100.

Ato mund të blihen online në faqen klanarena.com dhe përveç shitjes online, si në çdo organizim tjetër, biletat do jenë të qasshme për t’u blerë fizikisht në të gjitha pikat e shitjes së ArtMotion.