Komuna e Mitrovicës së Veriut i ndan nga 300 euro për fëmijët që lindin këtë vit, dhe 500 për çiftet që kurorëzohen

Kryetari i Komunës së Mitrovicës së Veriut, Erden Atiq ka vendosur që të subvencionoj fëmijët të cilët lindin gjatë vitit 2025 dhe çiftet e reja që kurorëzohen gjatë këtij viti.

Fëmijët e lindur gjatë këtij viti sipas këtij vendimi do të përfitojnë nga 300 euro ndërsa çiftet e kurorëzuara nga 500 euro.

Siç njofton Komuna e Mitrovicës së Veriut, paratë për fëmijët e porsalindur do t’iu transferohen në gjirollogari nënave e gjithashtu ato të çifteve bashkëshorteve.

Kryetari Atiq ka autorizuar Drejtorinë për Financa, Buxhet dhe Zhvillim Ekonomik të zbatojnë vendimin.