Komuna e Malishevës ia rinovon shtëpinë nënës së dëshmorit Avni Buçaj

Nëna e dëshmrorit të UÇK-së, Avni Buçaj nga sot do të vazhdoj të qëndroj në shtëpinë e saj të rinovuar.

Kjo është mundësuar fal investimit nga Komuna e Malishevës, përfaqësuesit e të cilit qenë prezentë gjatë së premtes tek shtëpia e nënës Mendehie.

“Bashkë me shoqatat e dala nga lufta, ne gjithnjë do ti jemi pranë nënës Mendehie dhe shumë nënave e familjeve të dëshmorëve të Komunës së Malishevës”, ka njoftuar kryetari i komunës, Ekrem Kastrati.

Njoftimi i plotë:

I lumtur e krenar që nga sot, nëna e dëshmorit Avni Buçaj, e nderuara Mendehie Buçaj, do të vazhdoj të qëndroi në shtëpinë e saj të renovuar plotësisht, një investim ky me plotë zemër i qeverisjes sonë komunale.
Kësaj dite të rëndësishme, jo vetëm për mua si kryetar, por edhe për vet këtë nënë fisnike, i dha kuptim edhe më shumë prezenca e bashkëluftëtarëve të djalit të saj, si; kryetari Fatmir Limaj, përfaqësuesi i OVL UÇK-së, Metush Kryeziu dhe shumë miq e dashamirë të kësaj familje të nderuar.
Angazhimet tona komunale kanë kuptim vetëm kur ne arrijmë të përkrahim këtë kategori me të cilën secili prej nesh ndihemi krenar e faqebardh.
Bashkë me shoqatat e dala nga lufta, ne gjithnjë do ti jemi pranë nënës Mendehie dhe shumë nënave e familjeve të dëshmorëve të Komunës së Malishevës.
Respekt pa fund për punëkryesin dhe gjithë ata që kanë dhënë kontribut në renovimin e kësaj shtëpie, që sado pak ndikon në përmirësimin e kushteve për një jetë më të mirë.