Komisioni hetimor për rezerva shtetërore, pritet që sot të dëshmojë ish-avokati i popullit, Hilmi Jashari

Sot do të mbahet Komisionin Hetimor Parlamentar në lidhje me procedurat për furnizimin dhe menaxhimin me rezervat shtetërore, keqpërdorimet dhe abuzimet e mundshme me rezervat shtetërore, shkruan GazetaDemos.

Në Komisionin pritet të dëshmojë ish-avokati i popullit, Hilmi Jashari.

Ndryshe, para disa muajsh Kuvendi i Kosovës ka themeluar Komisionin Hetimor Parlamentar lidhur me procedurat për furnizimin dhe menaxhimin me rezervat shtetërore, si dhe dyshimet për keqpërdorime dhe abuzime të mundshme me rezervat shtetërore, nëpërmjet kualifikimit të procedurës si sekret shtetëror për furnizime të tilla.