Komisioner Celibashi jep të dhënat e fundit rreth numërimit të votave

Komisioneri Shtetëror i Zgjedhjeve, Ilirjan Celibashi, ka thënë se ‘kanë filluar numërimin e votive në qarkun e Tiranës, Korçës, Gjirokastrës dhe Dibrës.

Ai në një konferencë të para pak çastesh, ka dhënë detajet e fundit rreth numërimit dhe administrimit të votave në zgjedhjet e sotme në Shqipëri. 

“Kemi filluar numërimin e votive në qarkun e Tiranës, Korcës, Gjirokastrës, Kukësit dhe Dibrës.

Sikur mund ta keni konstatuar, procesi merr pak kohë sepse do të duhet të nxjerrim nga zarfi B, zarfin A. do të duhet të shkëpusim identifikimn e votës të themi për të mos lejuar identifikimin.

Shpresojmë që procesi të shkojë mirë. KQZ ka ndërmarrë të gjitha masat që ky proces të shkojë në shinat e ligjit”, tha ai.

Sa i përket një problemi rreth votave nga Greqia, ku kishte një përplasje mes PD-së dhe PS-së në Parkun Olimpik në Tiranë, ku PD kërkoi të mos fillonte numërimi i votave, Celibashi tha:

“Mesa duket mesazhet që përcollëm në përfundim të procesit të votimit, nuk kanë rezonuar mirë për të gjithë. Jemi duke shikuar këtë situatë”, tha ai.

“Nëse dikush ka iluzione që me pragmatizëm ose taktika të caktuara ta sfidojë ligjin, është cështje orës dhe jo muajsh, apo vitesh”, tha ai