“Kokën, dorën e djathtë të thyer” – detaje tjera nga rrahja brutale e imamit nga Podujeva

Policia e Kosovës ka dhënë detaje për rrahjen e imamit Zeqir Berisha nga Lupçi i Podujevës.
Policia ka thënë në një komunikatë se informatën e ka marrë rreth orës 22:00, shkruan GazetaDemos.

Berisha sipas Policisë është gjetur i lënduar rëndë.

Gjendjen shëndetësore sipas burimeve imami e kishte të rënduar dhe pa vetëdije.

Imami ka lëndime në kokë tri fraktura dhe në dorën e djathtë. Dyshohet se janë përdorur edhe mjete të forta.

Imami fillimisht ka pranuar tretman në QKMF në Podujevë e më pas është transferuar në QKUK.

Rreth orës 02:45 imami i është nënshtruar edhe një operacioni, thanë këto burime.

Siç mëson Insajderi, Atdhe Murturi ishte paraqitur në polici fillimisht si dëshmitar, i cili kinse e gjeti të gjakosur hoxhën dhe të shtrirë në tokë.

Rreth orës 02:45 imami i është nënshtruar edhe një operacioni.

Në lidhje me rastin janë arrestuar tre persona. /DEMOS/

Postimi i plotë:

Arrestohen tre persona të dyshuar për vrasje në tentativë

Mbrëmë rreth orës 22:00, policia ka marrë informacionin se në fshatin Lupç i poshtëm të Podujevës, është gjetë një person i lënduar rëndë.

Personi i lënduar Z.B. mashkull, është dërguar për tretman mjekësor, ndërkohë që njësitet policore të Podujevës menjëherë kanë filluar ndërmarrjen e verimeve operativo-hetimore dhe kanë arritë të arrestojnë tre persona të dyshuar.

Personat e arrestuar:

1.B.M, mashkul 27vjeç

2.A.M, mashkul 28vjeç dhe

3.Sh.M mashkul 25vjeç,

pas intervistimit, me urdhër të prokurorit të shtetit janë dërguar në qendrën e mbajtjes, ndaj tyre është iniciuar rasti vrasje në tentativë.