sq Albanian
    sq Albanianhr Croatianen Englishfr Frenchde Germansr Serbiantr Turkish
    Facebook Instagram YouTube
    GazetaDemosGazetaDemos
    • Lajme
    • Ndërkombëtare
    • Sport
    • Magazina
    • OP/ED
    • Stili/Jeta
    • Teknologji
    • InfoZë
    sq Albanian
    sq Albanianhr Croatianen Englishfr Frenchde Germansr Serbiantr Turkish
    GazetaDemosGazetaDemos
    Lajme

    Koci: Dhunimi si armë lufte

    05/07/2021 21:48
    Share
    Facebook Twitter WhatsApp

    Avokati Arianit Koci vlerëson se dënimi i sotëm i kriminelit serb Zoran Vukotiq për dhunim të një gruaje shqiptare gjatë luftës në Kosovë, është triumf i drejtësisë, porse sipas tij, për dënimin e dhunuesve të tjerë, gratë kanë nevojë për përkrahjen e familjes dhe shoqërisë.

    Në një postim në Facebook, të titulluar “Dhunimi si armë lufte”, Koci ka thënë se dhunim nuk ishte incident i izoluar, por ishte pjesë e sulmit sistematik dhe është përdorur si armë lufte kundër popullatës civile shqiptare – duke goditur gruan shqiptare, me qëllim të poshtërimit dhe degradimit të saj në familje dhe shoqëri.

    Vukotiq u dënua sot më 10 vjet burgim për dhunim seksual gjatë luftës në Kosovë.

    “Krimineli Zoran Vukotiq para luftës ka punuar si referent në Gjykatën Komunale në Vushtrri, andaj ishte i njohur për qytetarët e Vushtrrisë me rrethinë. Më 2016, me kërkesën e Kosovës ishte ekstraduar nga Mali i Zi, për shkak të krimeve të luftës të kryera në territorin e Vushtrrisë (masakra e Studimes dhe keqtrajtimet në burgun e Smrekonicës). Pasi filloi gjykimi në gjykatën e Mitrovicës, viktima e dhunës seksuale e ka parë në TV dhe e ka njohur si kryesin e dhunimit ndaj saj.

    Me përkrahjen e plotë të bashkëshortit, ajo ka shkuar në Prokurorinë Speciale dhe e ka raportuar rastin. Pasi që Prokurorja Speciale Drita Hajdari i hapi hetimet, u kërkua pëlqim nga autoritetet e Malit të Zi, për procedimin penal të këtij rasti.

    Mali i Zi e ka dhënë pëlqimin dhe krimineli Vukotiq është ekstraduar. Vendimi i sotëm është triumf i drejtësisë, në radhë të parë falë viktimës e cila nga fillimi deri në fund ka qenë e vendosur që kryerësi i kësaj vepre monstruoze të qitet para drejtësisë. Merite të madhe ka edhe bashkëshorti i saj, i cili vazhdimisht e ka përkrahur bashkëshorten e vet, në kërkim të drejtësisë”, ka shkruar Koci.

    Sipas tij, menjëherë pas përfundimit te luftës, rasti është raportuar në UNMIK e më vonë edhe në EULEX. Nuk është ndërmarrë asnjë veprim.

    “Zoran Vukotiq gjatë luftës ka qenë pjesëtar rezervë i policisë dhe veprën e dhunimit e ka kryer në një shtëpi te varrezat myslimane në Vushtrri. Krimineli Vukotiq, dhunimin e ka kryer i ndihmuar nga një polic tjetër, në një dhomë ku ishin edhe 5 gra të tjera të dhunuara. Ky dhunim nuk ishte incident i izoluar, por ishte pjesë e sulmit sistematik dhe është përdorë si armë lufte kundër popullatës civile shqiptare – duke goditur gruan shqiptare, me qëllim të poshtërimit dhe degradimit të saj në familje dhe shoqëri. Gratë e dhunuara kanë nevojë për përkrahjen tonë; në radhe të parë duhet të përkrahen nga familja dhe shoqëria. Shumë raste të dhunimit, nuk po mund të procedohen penalisht, për shkak se viktimat nuk po e kanë përkrahjen e familjes dhe të shoqërisë, që t’i denoncojnë krimet monstruoze”, ka shkruar Koci.

    Ai i ka quajtur heroina viktimën dhe prokuroren Drita Hajdari.

    “Si zakonisht, gratë janë forca shtytëse e shoqërisë sonë. Hero është edhe burri i viktimës. Prej sot, asnjë kriminel serb nuk do të flejë rahat”, ka shtuar ai.

    Artikuj të ngjashëm

    Lukas Mandl nderohet me çmimin “Doctor Honoris Causa” nga universiteti “Kadri Zeka”

    Xhuli: E kam prit një mesazh prej dikujt jashtë, por tani është shumë vonë

    Anita drejtuar Mbresës: Mos ndërhyj brenda një çifti dhe bëhu më pozitive

    Të Fundit

    Lukas Mandl nderohet me çmimin “Doctor Honoris Causa” nga universiteti “Kadri Zeka”

    Xhuli: E kam prit një mesazh prej dikujt jashtë, por tani është shumë vonë

    Anita drejtuar Mbresës: Mos ndërhyj brenda një çifti dhe bëhu më pozitive

    “Juliana” i përplasë Atdheun e Stresin (VIDEO)

    Sveçla për sulmin ndaj policisë në veri: Grupet kriminale duan të ngjallin frikë

    Ky portal mirëmbahet nga kompania "GazetaDemos SH.P.K". Materialet dhe informacionet në këtë portal nuk mund të kopjohen, të shtypen, ose të përdoren në çfarëdo forme tjetër për qëllime përfitimi, pa miratimin e redaksisë së "GazetaDemos SH.P.K". Për ta shfrytëzuar materialin e këtij portali obligoheni t'i pranoni kushtet e përdorimit.

    KONTAKT & MARKETING

    Rruga "Uran Ajeti", 68 Prishtinë
    info@gazetademos.com
    marketing@gazetademos.com
    Tel: +383 48 579 555

    • Lajme
    • Ndërkombëtare
    • Sport
    • Magazina
    • Stili/Jeta
    • OP/ED
    • Teknologji
    • InfoZë
    Facebook Instagram YouTube
    Te gjitha te drejtat e rezervuara © GazetaDemos - 2023

    Shkruani lart dhe shtypni Enter për të kërkuar. Shtypni Esc për të anuluar.