Klopp pas humbjes së titullit: Ishim afër, por jo mjaftueshëm

Trajneri i Liverpoolit, Jurgen Klopp, është deklaruar jo pak entuziast, pas fitores së djeshme ndaj Wolves, e që megjithatë nuk i siguroi titullin e kampionit të Premiere League.

Dirigjenti i “Reds” tha se ekipi i tij ishte afër titullit, por jo mjaftueshëm afër.

““Ishte e qartë para ndeshjes që shumë gjëra duhej të ndodhnin [që Liverpool të fitonte titullin]. Urime Man City, Pep Guardiola, lojtarët e tyre. Ishim afër, por në fund jo aq afër” tha Klopp.

Pavarësisht humbjes, ai është duke shikuar me optimizëm drejt fundjavës së ardhshme, pasi në fushën e gjelbërt do të jetë përballë ekipit spanjoll, Real Madrid.

“Por ky sezon është i jashtëzakonshëm dhe do të përfundojë javën e ardhshme. Kemi pesë ditë për t’u përgatitur për finalen e Ligës së Kampionëve. Ne përballemi me një ekip jashtëzakonisht me përvojë, por kjo është në rregull. Humbja e ligës sot rriti dëshirën për ta rregulluar javën e ardhshme” shtoi Klopp.

Dueli Liverpool-Real Madrid për të fituar veshëmadhën, do të jetë të shtunën, 28 maj, me fillim nga ora 21:00.

“Stade de France” do të jetë tempulli ku do të luhet ky spektaktël futbollistik.