Klinaku: Mitrovica e meriton dinjitetin, krenarinë, dhe simbolin e saj, Xhaminë e Ibrit

Kandidati për deputet nga radhët e Aleancës për Ardhmërinë e Kosovës (AAK), Abdullah Klinaku, ka shprehur besimin se qytetarët e Mitrovicës më 9 shkurt do të votojnë kundër kujtdo që rrezikon vlerat kombëtare, të besimit dhe familjes.

Në një postim publik, Klinaku e ka përshkruar Mitrovicën si qytetin e patriotëve, intelektualëve, besimtarëve dhe familjarëve, duke theksuar se ky qytet meriton t’i rikthehet dinjiteti, krenaria, siguria dhe zhvillimi ekonomik.

Klinaku ka vënë theks të veçantë në ndërtimin e Xhamisë së Ibrit si simbol i Mitrovicës dhe ka bërë thirrje që qyteti të jetë shembull i ruajtjes së vlerave kombëtare e fetare.

Postimi i plotë:

Mitrovica ♥️ është qyteti i patriotëve, intelektualëve, besimtarëve dhe familjarëve, prandaj, me 9 shkurt do ta ndëshkojnë me votë kush do që cenon vlerat kombëtare, të besimit dhe të familjes. 

Koncepti jonë për mbrojtjen e familjes i ka katër shtylla, mbrojtja ligjore, mbrojtja politike për formimin e Ministrisë për Familje, mbrojtjen financiare duke e mbështetur financiarisht familjen dhe mbrojtjen vlerore. 

Mitrovica e meriton dhe duhet me ja kthyer dinjitetin, krenarinë, zhvillimin ekonomik, sigurinë, mbrojtjen e familjes dhe simbolin e Mitrovicës, Xhaminë e Ibrit!