Kjo ishte shkolla e parë shqipe në Pejë, u hap në këtë vit

7 Marsi, njihet si dita e Mësuesit, dhe festohet në të gjitha shkollat dhe universitetet.

Është një ditë simbolike për të kujtuar e vlerësuar mësuesit për përkushtimin e tyre në mësimdhënie dhe në përgatitjen e brezave të ardhshëm.

Zanafilla e kësaj dite përkon me hapjen e mësonjëtores së parë shqipe, e cila u hap në Mars të vitit 1887 në Korçë, pikërisht në një kohë kur shqiptarët mësonin shqip fshehurazi në shtëpitë e tyre, për shkak të sundimit Osman.

Sot, kur po shënohet kjo ditë, është rikujtuar edhe shkolla e parë shqipe në Pejë .

Shkolla e parë shqipe në Pejë u hap në vitin 1915 dhe mori emrin “Haxhi Zeka”, në nder të njërit prej themeluesve të saj, Haxhi Zeka.

Kjo ndodhi 28 vite pas hapjes së Mësonjëtores së Parë Shqipe në Korçë.

Në këtë shkollë, mësimin e vijuan nxënësit e tri paraleleve.

Përveç saj, në Pejë funksionuan edhe dy shkolla të tjera shqipe, të vendosura në lagjet Jarinjë dhe Kapenicë.