Kjo është gjendja shëndetësore e 14-vjeçarit që u sulmua nga grupet kriminale në Veri

Ushtruesja e detyrës së drejtoreshës në Spitalin e Mitrovicës, Luljeta Buçinca-Zhubi, ka bërë të ditur gjendjen shëndetësore të 14-vjeçarit që është sulmuar sot në Veri.

Ajo ka thënë se i mituri pas trajtimit mjekësor është liruar për në shtëpi.

“Djali i sulmuar në veri ka qenë në spital për të kërkuar ndihmë mjekësore, ka marrë tretman dhe është liruar për në shtëpi pasiqëe gjendja e tij nuk ka qenë në rrezik jete”, ka potencuar Buçinca-Zhubi për rtv21.

Lajmin për sulmin ndaj 14-vjeçarit e ka konfirmuar edhe ministri i Punëve të Brendshme, Xhelal Sveçla.

“Jam njoftuar se rreth orës 14:00 një 14-vjeçar banor i “Kroit të Vitakut” është sulmuar nga bandat kriminale duke shkuar në lagjen ku po banon. Fëmija ka lëndime trupore. Ai ka marrë trajtim mjekësor. Policia po angazhohet maksimalisht lidhur me rastin”, ka thënë ai.

Disa serbë lokalë kanë ngritur barrikada në veri të Kosovës më 10 dhjetor, në shenjë pakënaqësie me arrestimin e ish-policit serb të Kosovës, Dejan Pantiq.

Lexo edhe: