Kjo është gjendja e dy persona të lënduar që u rrahën në veri 

Dy personat që janë lënduar nga rrahja në veri janë në gjendje të mirë shëndetësore dhe pas trajtimit që e kanë marrë janë liruar nga spitali, raporton Demos. 

Kjo u konfirmua për GazetaDemos nga Spitali i Përgjitshëm i Mitrovicës. 

Ndryshe dy të rinj shqiptarë kanë mbetur të lënduar pas një rrahje me disa të rinj serbë në Mitrovicë të Veriut.

Lajmin  e ka konfirmuar shefi i Operativës së Policisë në veri, Petrit Fejza.

“Ajo çka mund të themi për tani është se është një grup prej 3-4 personash kanë sulmuar në rrugën ‘Sutjeska’ disa të rinj shqiptarë. Dy prej të cilëve kanë pësuar lëndime dhe janë dërguar për trajtim mjekësor. Fillimisht janë marrë katër si të dyshuar, por tre prej tyre janë liruar pas verifikimit të kamerave”, ka thënë Fejza.

Ai ka theksuar se të dyshuarit janë të mitur.

Sipas Fejzës, Policia po punon për identifikimin e personave të tjerë të përfshirë.