Kina dhe India zotohen të jenë partnerë, jo rivalë

Udhëheqësit e Kinës dhe Indisë thonë se tani ka një besim gjithnjë e më të thellë mes tyre pas viteve të tensionit që përfshin një mosmarrëveshje të gjatë kufitare.

Presidenti i Kinës, Xi Jinping dhe kryeministri indian, Narendra Modi u takuan në margjinat e Organizatës së Bashkëpunimit të Shangait (SCO) në qytetin portual të Tianjin. Është hera e parë e Modit në Kinë që shtatë vite, shkruan BBC.

Xi i tha Modit se Kina dhe India duhet të jenë partnere, jo rivale, ndërsa Modi tha se tani kishte një “atmosferë paqeje dhe stabiliteti” midis tyre.

Presidenti rus, Vladimir Putin është gjithashtu në samit, ku marrin pjesë më shumë se 20 udhëheqës botërorë, por këtë vit është lënë në hije nga luftërat tregtare me ShBA-në.