Kimete Berisha: Nuk i ka mbetur tjetër Edi Ramës veç ta çojë edhe hopa, preke llusterin Albin

Opinionisja Kimete Berisha, ka reaguar pas veprimit të kryeministrit Edi Rama në Berlin, ku i shkon nga pas kryeministrit Albin Kurti dhe ia mbyll sytë, shkruan GazetaDemos.

Përmes një shkrimi të gjatë në Facebook, Berisha thotë se ky gjest i Edi Ramës ka ardhur për shkak se ai e konsideron Kurtin si një person të mençur dhe me atë veprim ka dashur ta bëjë të ndjehet inferior.

“Edi Rama i prek politikanët që dyshon se janë të mençur dhe që e di se përtojnë të bëhen me mend të tij. Albin Kurtin e ka bërë si kukull, kur do ia kap faqen, kur do ia mbyll sytë, e përqafon si ta kishte Ricky Martin dhe kështu e minimizon dhe e bën të duket inferior”, është shprehur ajo.

Tutje, opinionistja ka thënë se Kurti nuk është inferior, por veprimet e tilla të Ramës tentojnë ta bëjnë të ndjehet si i tillë.

“Albin Kurti nuk është inferior, por në prani të Edi Ramës duket inferior, me aminin e tij. Edi Rama është i paparashikueshëm dhe për t’u mbrojtur nga njeriu i paparashikueshëm duhet ta mbash larg”, ka potencuar Berisha, transmeton GazetaDemos.

Ajo poashtu ka ironizuar me Ramën, duke “supozuar” se cili mund të jetë veprimi i tij i ardhshëm ndaj Kurtit.

“Nuk i ka mbetur tjetër Edi Ramës veç ta çojë edhe Hopa, preke-preke llusterin Albin”, ka theksuar opinionistja kosovare.

Mes tjerash, Kimete Berisha ka shpjeguar disa nga arsyet pse një person prek një tjetër, duke e ndërlidhur edhe me afërsinë emocionale.

Postimi i plotë i saj: