Këta janë tre të dyshuarit për vjedhjen e parave nga vetura e vëllezërve në parkingun e pompës në Fushë Kosovë

GazetaDemos raportoi sot për një rast jo fort të zakontë të vjedhjes, që ndodhi sot në mëngjes, në parkingun e kompanisë “Hib Petrol”, në Bresje të Fushë Kosovës, ku tre persona vodhën para nga veturë. Gjithçka ndodhi pas një mosmarrëveshje që dy vëllezërit e dehur kishin mes vete, situatë kjo që u shfrytëzua nga të dyshuarit.

Burimet e Sinjalit brenda Prokurorisë kanë bërë me dije se personat që po dyshohen për këtë rast janë Fidan Doberdolani, Valon Doberdolani dhe Faton Berisha.

Sipas dyshimeve të pra, tre të dyshuarit, me qëllim të përfitimit nga mosmarrëveshja që kishin dy vëllezërit Letaj, ua vodhën rreth 1 mijë euro nga vetura dhe u larguan me një automjet tjetër, por që për dallim nga rastet e tjera, ata morën me vete edhe njërin nga vëllezërit të cilit ia vodhën paratë.

Të njëjtit ndonëse u larguan nga vendi i ngjarjes, nuk arritën t’iu iknin Policisë, pasi u kapën në një pompë të derivateve dhe u shoqëruan në stacionin policor në Fushë Kosovë.

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.