Këta janë 10 politikanët më të votuar deri më tani nga zgjedhjet e 9 shkurtit

Kandidatët për kryeministër janë në mesin e dhjetë personave më të votuar në zgjedhjet e 9 shkurtit.

Ka shkuar në 92.58 përqindja e vendvotimeve të procesuara nga numërimi i votave për kandidatët nëpër qendrat komunale të numërimit.

Nga ky numërim Lëvizja Vetëvendosje ka 40.97 për qind të votave. Partia Demokratike e Kosovës ka 22.47 për qind të votave. Lidhja Demokratike e Kosovës ka 17.14 për qind të votave dhe koalicioni AAK-Nisma 7.44 për qind.

Në top-dhjetëshe janë shtatë nga koalicioni i Vetëvendosjes me partinë Guxo, ndërkaq dy të tjerë janë të PDK-së e një i LDK-së.

Në krye të listës janë Albin Kurti e Glauk Konjufca, pasuar nga Bedri Hamza dhe Lumir Abdixhiku.

Në pozitën e pestë është Faton Peci dhe pas tij është Hekuran Murati.

Albulena Haxhiu gjendet në këtë listë bashkë me Xhelal Sveçlën.

Kryetari i PDK-së Memli Krasniqi është në mesin e dhjetë kandidatëve më të votuar në Kosovë.

Kjo është lista:

Albin Kurti (VV) –  266,798 vota

Glauk Konjufca (VV)  –  204,599 vota

Bedri Hamza (PDK) –  153,789 vota

Lumir Abdixhiku (LDK)  –  112,474 vota

Faton Peci (VV)  –  99,380 vota

Hekuran Murati (VV)  –  97,193 vota

Albulena Haxhiu (VV)  –  92,029 vota

Xhelal Sveçla (VV)  –  87,975 vota

Memli Krasniqi (PDK) –  87,288 vota

Donika Gërvalla-Schwarz (VV)  –  81,862 vota