Kështu u zhvillua dje e gjithë ngjarja në Kuvendin e Kosovës

Ditën e djeshme, gjatë seancës në Kuvendin e Kosovës kishte përleshje fizike mes deputetëve dhe anëtarëve të Qeverisë, e gjitha si shkas i publikimeve të disa përgjimeve ku është përfshirë deputetja Mimoza Kusari-Lila me anëtarin e Listës Serbem Sllavko Simiq.

Fillimisht kryeministri, Albin Kurti u sulmua me ujë nga deputeti i PDK-së, Mërgim Lushtaku, ndërkohë që zëvendës kryeministri Besnik Bislimi e gjuajti më pas Lushtakun me një shishe. Pas kësaj deputetët e PDK-së dhe minsitrat u përfshinë në rrahje masive.

Rreth dhunës në Kuvend, reagoi edhe vetë Mërgim Lushtaku, i cili tha se reagimi i tij ishte kundër Radojçiqit dhe “argatëve të tij”.

“Reagimi im ishte kundër Radojçiqit dhe argatëve të tij”, shkroi Lushtaku në Facebook.

Pas përpalsjes në Kuvend, Lushtaku: Reagimi im ishte kundër Radojçiqit dhe argatëve të tij

U deshën orë që normaliteti të kthehej në sallën plenare, por edhe pas pauzës përsëri pati tensione në Kuvend, përderisa kryetari i Kuvendit, Glauk Konjufca ka mbajtur fjalimin e hyrjes së seancës, deputetë të opozitës kanë vazhduar të mbajnë të bllokuar foltoren.

Edhe pas një tentimi për mbajtje seance, PDK bllokon foltoren e Kuvendit

Tensionet në Kuvendin e Kosovës vazhduan ku deputetët opozitarë kanë hedhur sërish ujë dhe shishe ndaj kryeministrit Albin Kurti.

Vazhdojnë përplasjet në Kuvend: Kurtin e gjuajnë me ujë

Të pranishëm në seancë ishin edhe forcat e sigurimit.

Dhuna që u zhvillua dje në Kuvend u dënua edhe nga Presidentja e vendit, Vjosa Osmani e cila tha se dhuna nuk ka vend në tempullin e demokracisë dhe nuk mund të shndërrohet në mjet politik.

Osmani: Përdorimi i dhunës si mjet për t’i adresuar pakënaqësitë, dëmi më i madh që mund t’i bëhet institucioneve

Gjithashtu edhe Ambasadori amerikan Jeff Hovenier, ka reaguar pas rrahjes që ndodhi djenë Kuvendin e Kosovës, për çka ka thënë se dhuna nuk është mjet për të shprehur mospajtimet.

Sipas tij, “është për të ardhur keq të shohësh atë që ka ndodhur sot në Kuvendin e Kosovës”.

Hovenier: Dhuna nuk është kurrë mjet i pranueshëm për mosmarrëveshje

Edhe shefi i Zyrës së Bashkimit Evropian në Kosovë, Tomas Szunyog, e ka dënuar dhunën që ndodhi sot në Parlamentin e Kosovës midis qeverisë dhe opozitës.

Ndërkqa, Prokuroria Themelore në Prishtinë ka nisur hetimet pas përleshjeve fizike në Kuvendin e Kosovës, midis deputetëve të Partisë Demokratike të Kosovës dhe anëtarëve të Qeverisë së Kosovës.

Prokuroria nis hetime për ngjarjet në Kuvendin e Kosovës

Sipas njoftimit, prokurori i shtetit ka iniciuar hetime për veprën penale “Sulmi” dhe ka autorizuar “policinë në ndërmarrjen e të gjitha veprimeve të nevojshme hetimore, përfshirë po ashtu marrjen e deklaratave të palëve të përfshira në këtë rast”.

Përleshja fizike mes deputetëve të Kuvendit të Kosovës nga ana e opozitës dhe pozitës, është bërë kryetemë e mediave botërore.

Reuters publikon videon e dhunës në Kuvend