Këshilltari i Kurtit me akuza ndaj ambasadorit Hill: E ka merakun ta mbajë Vuçiqin në pushtet

Elvis Hoxha, anëtar i Kryesisë së LVV-së, ka shkruar një status në lidhje me intervistën e fundit të ambasadorit amerikan në Serbi, Christopher Hill. Në fakt, më shumë se status, është një sulm direkt nda Hillit, i cili ishte jashtëzakonisht kritik ndaj kryeministrit Albin Kurti, duke deklaruar se ShBA-ja ka probleme thelbësore me Kurtin.

Në statusin e tij, Hoxha ka bërë një aludim të çuditshëm, duke shkruar se me fjalët dhe punën e tij, ambasadori Hill nuk ka merakun të tërheqë Serbinë drejt Perëndimit, por të mbajë Aleksandar Vuçiqin, president i Serbisë, në pushtet. Në statusin e tij, ai e kritikon edhe Gabriel Escobarin, emisar special i ShBA-së për Ballkanin Perëndimor.

“Me fjalët dhe punën e tij, ambasadori Hill nuk ka merakun të tërheqë Serbinë drejt Perëndimit, por të mbajë Vuçiçin në pushtet.

Strategjia e emisarëve dhe ambasadorëve nuk e ka hallin te të drejtat e serbëve, por të mirëmbajtja e Vuçiçit. Këtë na e tha Escobari kur shfaqi merakun së serbëve në veri të Kosovës u ishte ndaluar përdorimi i gjuhës. Tha diçka sa për me thënë diçka”, deklaroi ai.