Kërkohen 100 mijë euro për shërimin e minatorit të Trepçës

Një minator i Minierës së Trepçës është diagnostikuar me leukemi akute.

Shërimi i tij që duhet të bëhet jashtë Kosovës kushton mbi 100 mijë euro, para të cilat ai nuk mund t’i sigurojë vetë.

Minatori i Trepçës, Petrit Bajrami, ka punuar për vite me radhë në minierën e Stantërgut.

Sipas rekomandimeve dhe diagnozave të mjekëve, Petriti duhet urgjentisht t’i nënshtrohet transplantit të palcës kurrizore jashtë vendit.

Shërimi i Petritit nuk mund të bëhet në Kosovë, si opsion është shteti i Turqisë.

Transferimi i Petritit për Turqi duhet të bëhet shpejt!

Për kontakte me familjarë i keni numrat e telefonit: +38349811952  dhe +38349415144.