KEDS-i kap një kompani taksish duke vjedhur rrymën, dëmi mbi 40 mijë euro

KEDS ka njoftuar se kanë zbuluar një kompani taksish në kryeqytet të cilët po vidhnin energjinë elektrike, shkruan GazetaDemos.

Në njoftimin e KEDS në Facebook thuhet se ekipet e KEDS kanë kapur në flagrancë pronarin e një kompanie taksish duke bërë këtë veprim të jashtëligjshëm.

Dëmi i cili është shkaktuar kap vlëren 40,568.26 euro.

Postimi i plotë:

Rryma t’kushton ma lirë kur e përdor drejt! ⚡️

KEDS ka zbuluar një kompani taksish në Prishtinë që ka keqpërdorur energjinë elektrike për mbushjen e veturave të saja elektrike🚖.

Ekipet e kontrollit të KEDS-it e kanë kapur në flagrancë pronarin e kompanisë gjatë këtij veprimi të jashtëligjshëm.

Dëmi financiar që i është shkaktuar KEDS-it është i madh, duke u përllogaritur në 40,568.26 euro, shumë të cilën kompania e taksive obligohet ta rikthejë menjëherë si pjesë e rikthimit të humbjeve💶.

KEDS-i ka intensifikuar kontrollet për të luftuar keqpërdorimin e energjisë elektrike në mbarë Kosovën, duke u angazhuar fuqishëm në parandalimin e këtij fenomeni të dëmshëm për të gjithë💡.