Katër të lënduar nga aksidenti në rrugën Prishtinë – Podujevë

Katër persona kanë mbetur të lënduar si pasojë e një aksidenti  mbrëmjen e së dielës në rrugën Prishtinë-Podujevë.

Lajmin e ka konfirmuar, zëdhënësja e Policisë për rajonin e Prishtinës, Flora Ahmeti.

Ajo njoftoi se në aksident janë përfshirë tri automjete.

“Sot rreth orës 21:00, kemi pranuar informatën për një aksident trafiku rrugor të ndodhur në rrugën Prishtinë -Podujevë. Në aksident janë përfshirë tri automjete, ku katër persona kanë pësuar lëndime trupore”,  tha Ahmeti.

Tutje, Ahmeti bëri të ditur se njësia rajonale e trafikut po merret me rastin.