Katër ditë pushim radhazi, për të punësuarit në sektorin publik

Punëtorët e sektorit publik do të pushojnë katër ditë radhazi.

Përveç vikendit, ata nuk do të dalin në punë as të hënën e të martën, për nder të festave – Dita e Kushtetutës së Republikës së Kosovës dhe Pashkët Katolike.

Sipas një njoftimi nga Ministria e Brendshme, zyrtarët janë informuar që mos të dalin në punë këto ditë.

Festat zyrtare të Republikës së Kosovës, disa herë kanë qenë debat në vend, pasi për disa nga njohësit ato janë të shpeshta. Një tjetër element i diskutueshëm është fakti se zyrtarët shtetëror shpeshherë pushojnë edhe kur festa nuk bie në ditën përkatëse, duke e lidhur atë me ditë pune.