Katari thotë se nuk ka viktima nga sulmi ndaj bazës amerikane

Katari ka thënë se nuk ka viktima në bazën ushtarake amerikane në Doha, pas sulmit me raketa të Iranit – si shenjë hakmarrje ndaj SHBA’së.

Mbrojtja ajrore ka arritur të neutralizojë sulmin me raketa, shkruan Sky News, përcjell Periskopi.

“Jemi të sigurt se mbrojtja ajrore e Katarit e pengoi sulmin dhe i ka kapur me sukses raketat iraniane”, thuhet në deklaratën e Katarit.

Ministria e Mbrojtjes shtoi: “Falë Zotit, vigjilencës së forcave të armatosura dhe masave paraprake të marra, incidenti nuk rezultoi në vdekje ose lëndime”.

Hapësira ajrore dhe territori i vendit janë “të sigurta”, tha ndër të tjera ministria.