Kastrati i mbledh në shtëpi Limajn, Lushtakun, Grabovcin e Bujën

Kreu i NISMA-s, Fatmir Limaj është parë përsëri në shoqëri me Sami Lushtakun, Adem Grabovcin e Ramë Bujën.

Pas ndejës së fundit në Kleçkë, kësaj radhe ish-krerët e UÇK-së u mblodhën në shtëpinë e deputetit të PDK-së, Ardian Kastrati.

Kastrati përmes një postimi në Facebook ka shkruar se është pikërisht UÇK ajo që i ka bashkuar në këtë takim.

Postimi i plotë i tij:

Sonte në shtëpinë time mirëprita disa nga personalitetet kryesore të UÇK-së të cilëve historia ju dha një rol sakrifikues në luftën tonë çlirimtare.

UÇK NA BASHKON!

Mbi këtë bashkim Kosova i korri dy sukseset më të shënuara në histori: ÇLIRIMIN nga Serbia de PAVARËSINË.

Mbi këtë bashkim të gjitha gjeneratat e reja në politikë e kanë më të lehtë për të krijuar platforma politike të cilat do prodhojnë perspektiva zhvillimore për ekonominë dhe mirëqenien sociale të këtij vendi.

UÇK NA BASHKON!