Karim Benzema mund të kthehet në kombëtaren e Francës për ta vazhduar Botërorin

Ylli i Real Madrid, Karim Benzema mund të luajë në Kupën e Botës 2022.

Fituesi i Topit të Artë, Karim Benzema nuk është aktualisht në Katar, pasi pësoi një lëndim në grumbullimin përgatitor, para fillimit të Kampionatit.

Lojtari megjithatë, nuk është zëvendësuar në listë dhe emri i tij figuron akoma në listë. Kësisoj, teorikisht ekziston mundësia që ai të kthehet në Botëror.

Zërat për këtë rikthim janë shtuar pasi thuhet se lojtari mund të nis stërvitjet normale gjatë ditës së nesërme.

Për një rikthim të Benzema, Franca duhet të konsultohet edhe me skuadrën e Real Madrid.

Fakti që emri i Benzema nuk u zëvendësua në listë, bën që ai të mund të marrë medaljen e artë nëse Franca fiton kampionatin.