Albanian
Croatian
English
French
German
Serbian
Turkish
Kapiteni i Anglisë, Harry Kane, ka reaguar ndaj tifozëve që qëndrojnë prapa abuzimeve raciste të bashkëlojtarëve të tij, Marcus Rashford, Jadon Sancho dhe Bukayo Saka, duke iu thënë se ata nuk janë tifozë të Anglisë dhe janë të padëshirueshëm në Kombëtare.
Rashford, Sancho dhe Saka u bombarduan me fyerje raciste pasi të tre i humbën penalltitë në disfatën e Anglisë 3:2 ndaj Italisë në penallti në finale të Euro 2020 të dielën.
Ata ishin cak i sulmeve raciste në rrjetet sociale. Sulmuesi i Tottenhamit Kane iu ka dalë në mbrojtje atyre, duke bërë thirrje që bashkëlojtarët e tij të përkrahen e jo të sulmohen.
“Ata meritojmë mbështetje, jo abuzim të lig racist. Të tre këta djelmosha kanë qenë të shkëlqyeshëm gjithë verën dhe morën guximin për të gjuajtur nga pika e bardhë kur rreziku ishte i madh”, shkroi Kane në Twitter.
“Nëse e abuzon dikë në rrjetet sociale, atëherë nuk je tifoz i Anglisë dhe ne nuk të duam”, shtoi ai.
Three lads who were brilliant all summer had the courage to step up & take a pen when the stakes were high. They deserve support & backing not the vile racist abuse they’ve had since last night. If you abuse anyone on social media you’re not an @England fan and we don’t want you. pic.twitter.com/PgskPAXgxV
— Harry Kane (@HKane) July 12, 2021
Pritjet ishin të mëdha që ky ekip kombëtar i Anglisë do ta sillte më në fund trofeun evropian në shtëpi.
Anglia arriti në finalen e parë evropiane në historinë e saj dhe ishte në kërkim të trofeut të parë të madh pas plot 55 vjetëve.
Hera e fundit kur tre luanët e fituan një trofe të madh dhe të vetmin ishte më 1966 kur e fitoi Kupën e Botës.