Kamboxhia dhe Tajlanda bien dakord për armëpushim

Kamboxhia dhe Tajlanda kanë rënë dakord për një “armëpushim të menjëhershëm dhe pa kushte”, që do të hyjë në fuqi nga mesnata me orën e Malajzisë (16:00 GMT).

Në kuadër të marrëveshjes, komandantët ushtarakë të të dy vendeve do të zhvillojnë një “takim informal” të martën në orën 07:00, ndërsa më 4 gusht do të mbahet një takim i atasheve të mbrojtjes, i drejtuar nga kryesuesi i ASEAN-it.

Pas përfundimit të konferencës për shtyp, liderët e dy vendeve shtrënguan duart përpara kamerave në shenjë simbolike pajtimi.