Kadrijaj: Kurti po e mban peng vendin tash e 6 muaj, sepse nuk i ka votat

Deputetja e AAK-së, Time Kadrijaj, ka kritikuar Kryeministrin në detyrë, Albin Kurti, dhe Lëvizjen Vetëvendosje para seancës së sotme konstituive të Kuvendit, duke i akuzuar për bllokimin e vendit për gjashtë muaj.

“Po shihet se Albin Kurti po e mban peng vendin tash e 6 muaj. Është hera e parë, prej se jam deputete, që nuk kemi asnjë informacion. E kemi ditur se, nëse nuk ndodh sot, do të ndodhë nesër, por kjo zvarritje për komisionin e fshehtë dhe kandidatura e Albulena Haxhiut është dëshmi se ai nuk i ka votat. Nëse Vetëvendosje nuk ka arritur ta sigurojë shumicën e thjeshtë për gjashtë muaj me radhë, atëherë duhet të tërhiqen,” ka deklaruar Kadrijaj.