Kabashi: VV-ja duhet ta ndërrojë Albulena Haxhiun, s’është e shenjtë

Analisti politik Bekim Kabashi ka thënë se përgjegjësia për të gjetur një zgjidhje dhe për të hapur rrugë konsensusit politik bie mbi Lëvizjen Vetëvendosje, si partia më e madhe dhe ajo që ka marrë më së shumti besim nga qytetarët.Kabashi ka shtuar Vetëvendosje është edhe shkaktarja kryesore e ngërçit aktual politik dhe institucional në vend.

“Përgjegjësinë për mi hap rrugë konsensusit politik, gjithmonë e ka partia me e madhe e cila e marrë besimin me të madh. Dhe e cila është akteri kryesor i cili po e shkakton ngërçin. Sepse me lëvizjen që do ta bënte VV-ja, partitë politike opozitare po ia njohin të drejtën që me pas kandidatin dhe kryetarin e Kuvendit, por po i thonë për kompromis. Se kompromisi nuk është vetëm njëra palë me pas të drejtë, është me gjetë një mes”, ka thënë Kabashi në Debat Plus.Ai u shpreh kritik ndaj faktit që, sipas tij, VV-ja mund të ketë numrat për të formuar qeverinë, por jo për të zgjedhur kryetarin e Kuvendit.
Në këtë linjë, Kabashi ka thënë se VV-ja duhet të tregojë fleksibilitet dhe, nëse është e nevojshme, të ndryshojë kandidatin, në këtë rast deputeten Albulena Haxhiun,“Ata kanë dhënë një propozim, nëse VV-ja me gjithe mend i pas numrat për qeverinë, është absurde, e nuk i pas për Kuvendin, do të duhej ta ndryshonte kandidatin për kryetar të Kuvendit. Mendoj që Albulena Haxhiu nuk është e shenjtë. Është e barabartë si gjithë deputetët e tjerë, pavarësisht numrit të votave. Sepse nuk matet roli i një deputeti me numrin e votave… strategjia e VV-së është ose me shku në zgjedhje të jashtëzakonshme këtë verë ose me i lidh me zgjedhje lokale…”, ka shtuar Kabashi.